Vətənim Media xəbər verir ki, oktyabrın 20-də Aşqabadda MAMA “Ana təbiət” beynəlxalq incəsənət sərgisi açılıb. Tədbirdə Heydər Əliyev Fondunun vitse-prezidenti Leyla Əliyeva, Türkmənistan və Özbəkistan rəsmiləri, diplomatik korpusun üzvləri və sənət adamları iştirak edib.
APA-nın məlumatına görə, sərgidə 35 ölkədən 62 rəssamın 116 əsəri nümayiş olunur. Leyla Əliyeva Xəzər dənizinin su səviyyəsinin son 10 ildə xeyli azaldığını, bunun Xəzər suitisi və nərəkimilərin nəsli üçün təhlükə yaratdığını bildirib. O, IDEA-nın ekoloji problemlərin həllinə yönələn layihələrindən də danışıb.
Sərgidə rəsm, instalyasiya, toxuculuq və multimedia nümunələri ilə yanaşı, Türkmənistanın xalçaları, milli musiqi alətləri, baş geyimləri və qədim zinət əşyaları da təqdim olunur.
Əsas mənbə: APA