Vətənim Media xəbər verir ki, Ermənistanda, Stepanavan şəhərində aparılan axtarışlar zamanı 14 nəfər saxlanılıb. News-Armenia bu barədə ölkənin Korrupsiyaya Qarşı Mübarizə Komitəsinə istinadən məlumat yayıb.
Komitə bildirib ki, axtarış və digər istintaq tədbirləri araşdırılan cinayət işi çərçivəsində keçirilib. “Güclü Ermənistan” fraksiyasının deputatı Andranik Gevorgyan isə bundan əvvəl partiya tərəfdarlarının kütləvi saxlanıldığını, evlərdə və partiyanın yerli ofisində axtarış aparıldığını açıqlamışdı.
Saxlanılmalar Stepanavanda oktyabrın 25-də keçiriləcək yerli özünüidarəetmə seçkiləri ərəfəsində baş verib. “Güclü Ermənistan” seçkilərdə merliyə namizəd irəli sürüb.
Əsas mənbə: APA