Vətənim Media xəbər verir ki, APA-nın TASS-a istinadən yaydığı məlumata görə, Kollektiv Təhlükəsizlik Müqaviləsi Təşkilatının (KTMT) baş katibi Taalatbek Masadıkov Ermənistanın faktiki olaraq təşkilatdan çıxdığını bildirib.
Masadıkovun sözlərinə görə, Ermənistan KTMT-nin fəaliyyətinə dair sənədləri alır, lakin müzakirələrdə və qərarların qəbulunda iştirak etmir. Ölkə təşkilatın əsas tədbirlərinə və hərbi təlimlərinə qatılmır, yalnız həftəlik hesabatları dinləyir. Baş katib bu vəziyyəti KTMT Nizamnaməsinin 25-ci maddəsi ilə əlaqələndirib.
Ermənistanın baş naziri Nikol Paşinyan daha əvvəl parlamentdə ölkəsinin KTMT-dən çıxmasının tərəfdarı olduğunu və belə qərarın qəbul edilməsindən məmnun qalacağını deyib.
Əsas mənbə: APA