Vətənim Media xəbər verir ki, “Kristal Bakı” ASC dövlət büdcəsi qarşısında vergi borcunun olmadığını açıqlayıb. Şirkət son günlər mediada yayılan borc məlumatlarını həqiqətə uyğun olmayan məlumatlar adlandırıb.
ASC-nin bəyanatında qeyd olunur ki, bəzi media resursları başqa hüquqi şəxslərə aid olduğu iddia edilən vergi borclarını şirkətlə əlaqələndirir. “Kristal Bakı” ASC vergi öhdəliklərini vaxtında və tam yerinə yetirdiyini bildirərək, məlumatların Dövlət Vergi Xidmətinin açıq informasiya resurslarından yoxlanılmasına çağırıb.
Şirkət işgüzar nüfuzuna xələl gətirən və həqiqətə uyğun olmayan məlumatları yayan şəxslərə və media qurumlarına qarşı qanuni müdafiə vasitələrindən, o cümlədən məhkəməyə müraciətdən istifadə edəcəyini bəyan edib.
Əsas mənbə: APA