Vətənim Media xəbər verir ki, Artemis II missiyasının komandiri Rid Uizman NASA-nın Jet Propulsion Laboratory (JPL) laboratoriyasının direktor müavini və Kaliforniya Texnologiya İnstitutunun (Caltech) vitse-prezidenti vəzifələrinə təyin olunub. O, yeni işinə 2026-cı il noyabrın 30-da başlayacaq.
NASA-nın məlumatına görə, Uizman Artemis II sınaq uçuşunda ekipaj üzvləri Viktor Qlover, Kristina Kox və Ceremi Hansenlə birlikdə Ayın yanından uçaraq 695 081 mil məsafə qət edib. Bu, insanların indiyədək Yerdən uzaqlaşdığı ən böyük məsafədir.
Uizman 2009-cu ildə NASA-nın astronavt korpusuna qoşulub, 2014-cü ildə Beynəlxalq Kosmik Stansiyada 165 günlük missiyada uçuş mühəndisi kimi çalışıb. O, 2020-ci ilin dekabrından 2022-ci ilin noyabrınadək NASA-nın baş astronavtı olub. JPL NASA üçün Caltech tərəfindən idarə olunur.
Əsas mənbə: NASA