Vətənim Media xəbər verir ki, Ukrayna prezidenti Volodimir Zelenski ölkəsinin Rusiyanın daha dərin ərazilərində uzaqmənzilli zərbələr endirmək üçün əsas istiqamətləri müəyyənləşdirdiyini bildirib. APA-nın məlumatına görə, Zelenski qeyd edib ki, Ukraynanın zərbə imkanları Rusiyanın Yamal bölgəsindən Qərbi Sibirədək olan ərazilərindəki obyektləri əhatə edir.
Zelenskinin sözlərinə görə, Kiyev dron və raketlərlə daha uzaq bölgələrə zərbə endirmək imkanlarını genişləndirməyi planlaşdırır. O, bu imkanların artırılmasını Ukraynanın müstəqilliyinin qorunması və gələcək təhlükəsizliyinin təmin edilməsi baxımından vacib sayıb.
Ukrayna Silahlı Qüvvələri bundan əvvəl Samara vilayətindəki Novokuybışevsk neft emalı zavoduna FP-1 dronları ilə zərbə endirib. Zavodun illik neft emalı gücü 8,8 milyon ton təşkil edir.
Əsas mənbə: APA