Vətənim Media xəbər verir ki, APA-nın məlumatına görə, noyabrın 5-də dünya fond bazarlarında əsasən mənfi dinamika qeydə alınıb. ABŞ-ın “Dow Jones” indeksi 3,44 faiz, “S&P 500” 4,36 faiz, “Nasdaq Composite” isə 5,52 faiz geriləyib.
Avropada bazarlar qarışıq nəticə göstərib: “Euro Stoxx 50”, “FTSE 100” və “DAX” ucuzlaşıb, Fransa və İspaniyanın əsas indeksləri isə yüksəlib. Asiya-Sakit okean regionunda eniş üstünlük təşkil edib. Yaponiyanın “Nikkei 225” indeksi 6,35 faiz, “TOPIX” isə 6,27 faiz azalıb.
APA-nın analitik qiymətləndirmələrə istinadən verdiyi məlumata görə, satışların güclənməsinə texnologiya və süni intellekt sektorundakı narahatlıqlar təsir edib. İnvestorlar süni intellekt layihələrinə yatırılan vəsaitlərin gəlirliliyi, yarımkeçirici istehsalçılarının maliyyə göstəriciləri və tənzimləmələrin sərtləşməsi ehtimalı ilə bağlı narahatlıq keçiriblər. Satışlar digər sektorlara da yayılıb.
Əsas mənbə: APA