Türkiyə Super Liqasında II turun oyunları keçirilib. Fanat.Az xəbər verir ki, Azərbaycan yığmasının müdafiəçisi Ufuk Budakla U-21-in sabiq üzvü Umut Sönmezin forma geyindiyi “Kayserispor” səfərdə “Fənərbaxça” ilə qarşılaşıb.
Futbolçularımızın komandası oyundan heç-heçə ilə ayrılıb – 3:3. Ufuk görüşün 82-ci dəqiqəsində, hesab 2:2 olarkən meydana çıxıb. Bundan cəmi 8 dəqiqə sonra millimizin üzvü qol vurub. Amma komandası qələbə hesabını qoruya bilməyib. 38-ci dəqiqədən etibarən azlıqda qalan “Fənərbaxça” 90+3-cü dəqiqədə məğlubiyyətdən qaça bilib. Umut isə ehtiyatda qalıb.
Qeyd edək ki, “Kayserispor” 2 turdan sonra 1 xalla 18 klub arasında 16-cı pillədə qərarlaşıb.