Vətənim Media xəbər verir ki, “Gözel Seeds” və ADA Universitetinin birgə təşkil etdiyi beynəlxalq konfransda Türkiyədən altı alim, eləcə də ADA Universitetinin professoru Mehrac Abbasov iştirak edib. Tədbirdə qabaqcıl genom texnologiyalarının ərzaq təhlükəsizliyi, seleksiya və beynəlxalq bazarlara inteqrasiya üçün imkanları müzakirə olunub.
Məruzələrdə genetik sekvensləmə, bioinformatika və CRISPR-Cas9 texnologiyalarının, o cümlədən iqlim şəraitinə və xəstəliklərə davamlı bitki sortlarının yaradılmasındakı potensialı diqqətə çatdırılıb. “Gözel Seeds”in təsisçisi Tahir Gözel yerli təsərrüfatlara uyğun toxum sortlarına ehtiyacdan və Türkiyədə DH və molekulyar marker laboratoriyalarına yatırılan investisiyalardan danışıb.
Konfransdan sonra Bakıda 10–14 günlük birgə yay məktəbinin təşkili imkanları müzakirə edilib. Təşəbbüs tələbələrin qabaqcıl tədqiqat texnologiyaları və beynəlxalq akademik təcrübə ilə tanış olmasını hədəfləyir.
Əsas mənbə: APA