Nicat Haqverdiyev Xırdalan şəhəri, Abşeron Gənclər Şəhərciyində yerləşən yeni tikilən hündürmərtəbəli binalardan birində yaşayır. Bina istifadədə olsa da hələ də qazla təmin edilməyib.
Mənzil Tikinti Koperativindən isə illərdir bir söz deyilir… Binanın qaz xətləri çəkilib. Hətta sakinlər öz ciblərindən sayğac da alıb quraşdırıblar.
“Azəriqaz” istehsalat birliyinin ictimaiyyətlə əlaqələr şöbəsinin rəhbəri İbrahim Kərbalayev binanın qazla təmin olunmamasının mənzillərin boş qalması ilə heç bir əlaqəsinin olmadığını deyir. Mənzil Tikinti Koperativi tərəfindən zəruri sənədlər təqdim edilmədiyindən sözügedən bina qazlaşdırılmayıb.