Vetenim.info– nun digər saytlardan əldə etdiyi XƏBƏR
Filmdə baş rolları Gerard Batler və Harri Oldmen oynayır
“Lionsgate Movies” şirkətinin “Youtube” kanalında yeni “Ovçu-qatil” filminin treyleri yayımlanıb. Turkustan.info xəbər verir ki, filmin ssenarisinə əsasən ABŞ sualtı gəmisinin ekipajı Rusiya prezidentini xilas edərək Üçüncü Dünya müharibəsinin başlanmasının qarşısını alırlar.
Film Şimal Buzlu Okeanda olan sualtı gəminin ekipajından bəhs edir. Onlar tapşırıq yerinə yetirdiyi zaman məlum olur ki, Rusiyada müdafiə naziri hərbi çevriliş etməyi planlaşdırıb. Bu isə dünya düzəninin pozulması və geniş miqyaslı müharibənin başlanması ilə nəticələnə bilər. Bunun qarşısını almaq üçün sualtı gəminin heyəti Rusiya prezidentinin xilas edilməsi üzrə əməliyyat keçirməyə qərar verir.
Filmdə baş rolları Gerard Batler və Harri Oldmen oynayır. Filmdə Rusiya prezidentini isə rusiyalı aktyor Aleksandr Dayçenko canlandırıb. Filmin rejissoru Donovan Marşdır.
Film 25 oktyabr 2018-ci ildə ekranlara çıxacaq.
/sputnik.az/