Problemli kreditlərə görə kompensasiyaların qaytarılması və kreditlərin restruktrizasiyası ilə bağlı mexanizm artıq yekunlaşmaq üzrədir.
“Rubin.az” xəbər verir ki,bu barədə “Qafqazinfo”ya məlumatı Maliyyə Bazarlarına Nəzarət Palatasının mətbuat katibi Elşən Allahverdiyev verib. Onun sözlərinə görə, işlər qısa müddətdə yekunlaşdırlacaq:
“Biz konkret olaraq deməmişik ki, mexanizm martın 15-də tətbiq olunmağa başlayacaq. Ancaq işlər yekunlaşır və bir neçə günə ictimaiyyət bununla bağlı geniş məlumatlandırılacaq.
Banklar öz müştəriləri ilə əlaqə saxlayıb onları dəvət edib konpensasiyanı vətəndaşlara təqdim edəcəklər.
“Bunun əsasında da müvafiq işlər başlanacaq və normal qaydada ödənişlər həyata keçiriləcək. Maliyyələşmə ilə bağlı mexanizm praktiki olaraq hazırdır. Burada hər hansı bir problem görünmür. Maliyyə Nazirliyində qaynar xətt yaradılıb, suallara cavab verilir. Bütün əsas məsələlər artıq öz həllini tapıb”.