Böyük Britaniyanın ticarət üzrə dövlət naziri Lord Anas Sarvar Bakıda keçirilən Azərbaycan–Böyük Britaniya Hökumətlərarası Komissiyasının 8-ci iclasında ölkəsinin Azərbaycanla qeyri-neft sektoru üzrə ticarət əlaqələrini genişləndirmək istədiyini bildirib.
Nazirin çıxışında enerji əməkdaşlığının yalnız neft ticarətinə bağlı qalmaması, qeyri-neft istiqamətində də inkişaf etdirilməsi arzusu vurğulanıb. O, eyni zamanda investisiya əlaqələrinin həcmcə artmasının və daha çox sektoru əhatə etməsinin vacibliyini qeyd edib.
Lord Anas Sarvar iki ölkə arasında təxminən 35 ilə yaxın tarixə malik əlaqələrin yeni mərhələyə keçirilməsinin əhəmiyyətini diqqətə çatdırıb və münasibətlərin yalnız iqtisadi sahə ilə məhdudlaşmadığını, müdafiə və təhlükəsizlik məqamlarını da əhatə etdiyini bildirib.
Komissiyanın iclası çərçivəsində bir sıra sənədlər imzalanıb; Britaniyanın tərəfdaşlığa verdiyi önəm və əlaqələri daha da dərinləşdirmək niyyəti tədbirdə ifadə olunub.
Əsas mənbə: APA