Vətənim Media xəbər verir ki, Mərakeşdə dörd siyasi partiya yeni hökumət çoxluğunun yaradılması barədə razılığa gəlib. Sentyabrın 30-dan bəri davam edən hökumət quruculuğu danışıqlarının ikinci mərhələsində əldə olunan razılaşmaya PAM, İstiqlal Partiyası, Xalq Qüvvələrinin Sosialist İttifaqı (USFP) və Tərəqqi və Sosializm Partiyası (PPS) qoşulub.
Partiyaların birgə bəyanatında hökumət proqramının mümkün qədər tez hazırlanaraq həyata keçiriləcəyi bildirilib. Tərəflər nazir vəzifələrinə peşəkar, siyasi uzaqgörənliyi və dürüstlüyü ilə seçilən namizədlərin irəli sürüləcəyini, uzlaşmış və güclü hökumət qurulmasının hədəfləndiyini qeyd ediblər.
Kral VI Məhəmməd sentyabrın 29-da keçirilən seçkilərdə 97 yer qazanan PAM-ın lideri Fatimə Zəhra Mənsuriyə hökuməti formalaşdırmağı tapşırıb. Nümayəndələr Palatasındakı 395 mandatdan hökumət çoxluğu üçün azı 198-i tələb olunur. PAM-ın 97, İstiqlalın 65, USFP-nin 26, PPS-in isə 19 mandatı var. Beləliklə, koalisiya 207 yerlə tələb olunan həddi keçir.
Əsas mənbə: APA