Vətənim Media xəbər verir ki, Rusiyanın istehlakçı hüquqlarına nəzarət qurumu Rospotrebnadzor Gürcüstanda istehsal olunan “Nabeglavi” mineral suyu və “Coca-Cola”nın ölkəyə idxalına qadağa qoyub. Qurumun yaydığı sənəddə qərarın müvəqqəti sanitariya tədbiri çərçivəsində qəbul edildiyi bildirilib.
Sənədə əsasən, Avrasiya İqtisadi Komissiyası Şurasının qərarına uyğun olaraq, müəyyən edilmiş orqanoleptik, fiziki-kimyəvi və təhlükəsizlik göstəricilərinə cavab verməyən məhsulların idxalı və utilizasiyası dayandırılmalıdır. Mənbə mətnində Gürcüstandan bir sıra şərab markalarının idxalına da qadağa qoyulduğu qeyd edilsə də, həmin markaların adları açıqlanmayıb.
Əsas mənbə: APA