Vətənim Media xəbər verir ki, Fəlsəfə və Sosiologiya İnstitutunun direktor müavini, tarix elmləri doktoru Eynulla Mədətli Azərbaycanda hicabın qadağan olunması barədə yayılan iddiaları əsassız adlandırıb. Onun sözlərinə görə, məktəblərdə vahid geyim formasının tətbiqi hicabla bağlı deyil və ölkə qanunvericiliyində hicab qadağası nəzərdə tutulmayıb.
Mədətli vahid məktəb geyiminin sosial bərabərsizliyin və şagirdlər arasındakı maddi fərqlərin qabardılmasının qarşısını almağa, eləcə də nizam-intizama xidmət etdiyini bildirib. O, bu qaydanın Naxçıvanda uzun müddətdir tətbiq olunduğunu qeyd edib və vahid formanın məktəb mühitinə, tədrisə diqqətə müsbət təsir göstərə biləcəyini vurğulayıb. Alimin fikrincə, məsələ hicabla deyil, ümumi təhsil mədəniyyəti və məktəb-valideyn münasibətləri ilə əlaqədardır.
Mədətli hökumətin vahid geyimlə bağlı qərarının dəstəklənməli olduğunu deyib. O, məktəb geyimi qaydalarının sosial bərabərlik və təhsil mühitində nizam baxımından əhəmiyyətini önə çəkib.
Əsas mənbə: APA