Vətənim Media xəbər verir ki, əhalinin siyahıyaalınmasına hazırlıq və onun keçirilməsi üzrə siyahıyaalma qrupu işçilərinin aylıq maaş cədvəli təsdiqlənib. APA-nın məlumatına görə, Nazirlər Kabinetinin qərarı ilə müxtəlif vəzifələr üzrə maaşlar müvafiq dövlət qulluqçusu vəzifələrinin aylıq maaşının 70 faizi səviyyəsində müəyyən edilib.
Cədvəl siyahıyaalma qrupu rəhbərinin müavininə, rayon və şəhər statistika idarələri üçün qrup əməkdaşlarına, eləcə də informasiya-kommunikasiya texnologiyaları üzrə mütəxəssislərə şamil olunur. Hesablamada müvafiq vəzifələr üçün qanunvericiliklə müəyyən edilmiş baza maaşının birinci ödəniş pilləsi əsas götürüləcək. Qərardan irəli gələn məsələləri Maliyyə Nazirliyi həll etməlidir.
Əsas mənbə: APA