Vətənim Media xəbər verir ki, 2027-ci il prezident seçkilərində “Tabe olmayan Fransa” partiyasının namizədi Jan-Lük Melanşon qalib gələcəyi təqdirdə ölkəni NATO-dan çıxarmaq niyyətində olduğunu açıqlayıb. APA-nın məlumatına görə, o, seçki proqramını Paris yaxınlığındakı Le-Burjedə keçirilən mitinqdə təqdim edərkən Fransanın NATO-da və ABŞ-ın müharibələrində yeri olmadığını deyib.
Melanşon prezidentliyi dövründə Fransanın, ilk növbədə nüvə silahlarının tərksilahı üzrə danışıqlarda fəal iştirak edəcəyini də vəd edib. Rəy sorğularında o və “Milli Birlik” partiyasının namizədi Marin Le Pen 2027-ci il mayın 2-də keçiriləcək seçkinin ikinci turuna yüksələ biləcək əsas namizədlər kimi göstərilir.
Əsas mənbə: APA