Mətbuat Şurasının müsabiqələrində sosial media meyarları genişləndirilib

Şrift
🔊 Xəbəri dinlə — Novruz (AI diktor)
Mətbuat Şurasının müsabiqələrində sosial media meyarları genişləndirilib

Vətənim Media xəbər verir ki, Azərbaycan Respublikası Media və Yayım Şurası media subyektləri və nümayəndələri üçün təşkil etdiyi müsabiqələrin qiymətləndirmə qaydalarına yeniliklər edib. Onlayn media subyektlərinin qiymətləndirilməsində oxunma göstəriciləri ilə yanaşı, sosial şəbəkə fəallığı və saytların texniki vəziyyəti də nəzərə alınacaq. Fərdi jurnalistlərin müsabiqələrində isə şəxsi sosial şəbəkə hesablarında yayımladıqları materialların auditoriya ilə qarşılıqlı əlaqəsi qiymətləndiriləcək.

Mətbuat Şurası İdarə Heyətinin üzvü, Sosial media istifadəçiləri ilə əlaqələr komissiyasının sədri Hacıbəy Heydərlinin fikrincə, yeni meyarlar peşəkar jurnalistikanın rəqəmsal platformalarda fəallaşmasına və daha geniş auditoriyaya çatmasına təkan verə bilər. O, bu yanaşmanı ənənəvi jurnalistikanın sosial media ilə əvəzlənməsi deyil, peşəkar medianın rəqəmsal mühitdə mövqeyinin gücləndirilməsi kimi qiymətləndirib.

Əsas mənbə: www.presscouncil.az

Vətənim Media Shorts

YouTube-da aç ↗