Ermənistanın xarici işlər naziri Ararat Mirzoyan ilə İran Prezidenti Məsud Pezeşkian arasında görüş oktyabrın 5-də keçirilib.
Görüş zamanı iki ölkə arasında siyasi dialoqun aktivliyi vurğulanıb. Danışıqlar çərçivəsində enerji sektorunda əməkdaşlıq, infrastrukturun inkişafı və kommunikasiya bağlantılarının açılması kimi qarşılıqlı fayda verən layihələr müzakirə olunub.
Ararat Mirzoyan İran Prezidentinə TRIPP layihəsinin icra vəziyyəti barədə məlumat verib. Görüşdə layihənin həyata keçirilməsinin gedişatı ilə bağlı konkret detallar açıqlanmayıb.
Tərəflər həmçinin regional sabitlik və təhlükəsizlik mövzularında fikir mübadiləsi aparıblar və İrəvanda keçiriləcək COP17 konfransında İranın yüksək səviyyəli iştirakı məsələsi müzakirə olunub.
Əsas mənbə: APA