Vətənim Media xəbər verir ki, oktyabrın 10-da Pakistanın Baş naziri Məhəmməd Şahbaz Şərif Prezident İlham Əliyevə telefonla zəng edib. Söhbət zamanı iki ölkə arasındakı dostluq, qardaşlıq və strateji tərəfdaşlıq əlaqələrinin inkişafından məmnunluq ifadə olunub. Yüksək səviyyəli görüşlərin və məsləhətləşmələrin münasibətlərin möhkəmlənməsinə verdiyi töhfə vurğulanıb.
Tərəflər siyasi əlaqələrlə yanaşı iqtisadiyyat, ticarət və investisiya sahələrində əməkdaşlığın genişləndirilməsini müzakirə ediblər. Şahbaz Şərif İslamabadda Azərbaycan “ASAN xidmət” modeli əsasında yaradılan mərkəzin fəaliyyətini müsbət qiymətləndirərək, bu təcrübənin Pakistanın digər bölgələrində tətbiqinə dəstək istəyib. İlham Əliyev lazımi dəstəyin göstərilməsinə razılıq verib; Pakistanın baş naziri buna görə təşəkkür edib. Danışıqda həmçinin regional və beynəlxalq məsələlər, eləcə də Pakistanın dialoqun təşviqi və gərginliyin azaldılması istiqamətində diplomatik səyləri barədə fikir mübadiləsi aparılıb.
Əsas mənbə: APA