Vətənim Media xəbər verir ki, təhsil eksperti Cahid İmanlı məktəblərdə geyim qaydalarına dair qərarı dövlətin dinə qarşı siyasəti kimi qiymətləndirməyin doğru olmadığını bildirib. Onun sözlərinə görə, Azərbaycanın müstəqillik dövründə ölkədə 2 mindən çox məscid tikilib, Qafqazın ən böyük məscidi də Azərbaycandadır.
İmanlı qeyd edib ki, geyim qaydaları ilə bağlı qərarı dövlətçiliyə yönələn təhdidlər kontekstində nəzərdən keçirmək lazımdır. O, valideynləri və təhsil qurumlarını sərt, radikal addımlardan çəkinməyə çağırıb, məktəblərdə baş verən gərginliklərdə dini inanclı valideynlərin zorakılığa əl atacağına inanmadığını deyib. Ekspertin fikrincə, bu cür davranışlar dini şəxsi məqsədlər üçün alətə çevirən dairələrin maraqlarına xidmət edə bilər. O, valideynlərə, şagirdlərə və təhsil işçilərinə dəstəyin, xüsusilə şagirdlərə psixoloji yardımın vacibliyini vurğulayıb.
Əsas mənbə: APA