Vətənim Media xəbər verir ki, ABB uşaqların gələcək ehtiyacları üçün nəzərdə tutulan “Uşaq yığım” əmanətini istifadəyə verib. Məhsul valideyn və ya qəyyum tərəfindən uşağın adına 36 ay müddətinə rəsmiləşdirilir və uzadılması mümkündür.
Əmanətin illik faiz dərəcəsi manatla 8,5%, ABŞ dolları ilə 2,5%-dir. Faizlər 12 aydan bir ödənilir; müştəri onların əsas məbləğə əlavə olunmasını seçə bilər. Əmanəti artırmaq mümkündür: hər mədaxil ən azı 50 manat və ya dollar, ay ərzində artırılan ümumi məbləğ isə ən çoxu 25 min manat və ya dollar ola bilər.
Əmanət vaxtından əvvəl çıxarılsa belə, əvvəlki illər üzrə ödənmiş faizlər geri tutulmur. Faizlərin əsas məbləğə əlavə edilməsi isə sonrakı illərdə faiz gəlirinin artmasına imkan verir.
Əsas mənbə: APA