Vətənim Media xəbər verir ki, BP “Şahdəniz Kompressiya” layihəsi çərçivəsində dənizdə tikinti işlərinə başlayıb. Platformanın dayaq blokunun əsasını təşkil edəcək dörd boru payanın quraşdırılması başa çatıb.
BP-nin məlumatına görə, payalar “Xankəndi” sualtı tikinti gəmisi ilə dənizə daşınıb. Hər biri təxminən 70 metr uzunluğunda, 108 düym diametrində və 292 ton çəkisindədir. Şirkət bildirib ki, bunlar BP-nin Xəzərdə quraşdırdığı ən böyük diametrli boru payalardır. Əməliyyatlarda regiondakı fəaliyyətlərində ilk dəfə paya tıxacı texnologiyasından istifadə olunub.
BP-nin açıqlamasında qeyd edilir ki, bu mərhələ platformanın dayaq blokunun quraşdırılmasına hazırlıq yaradır. Həmin işlərin 2028-ci ilin birinci yarısında aparılması planlaşdırılır.
Əsas mənbə: APA