Vətənim Media xəbər verir ki, Ukrayna Prezidenti Volodimir Zelenski Rusiyanın hər ay təxminən 140 ballistik raket istehsal etdiyini və arsenalında hazırda 700 belə raket olduğunu bildirib.
APA-nın məlumatına görə, Zelenski raketlərin komponentlərinin təxminən 70 faizinin Asiya, ABŞ və Avropa ölkələrindən gətirildiyini deyib. O, bu tədarükün dayandırılmasının mümkün olduğunu vurğulayıb və ABŞ-dan Rusiyanın ballistik raket buraxdığı ərazilərdə “Starlink” peyk rabitəsini aktivləşdirməyi istəyib.
Zelenskinin sözlərinə görə, Ukraynaya ən azı növbəti 10 il ərzində güclü və böyük ordu lazım olacaq. O, müharibənin ölkə iqtisadiyyatına ciddi ziyan vurduğunu və bərpa üçün beynəlxalq tərəfdaşların uzunmüddətli maliyyə dəstəyinin vacib olduğunu bildirib.
Əsas mənbə: APA