Vətənim Media xəbər verir ki, APA-Economics-in “CoinMarketCap” məlumatlarına istinadən yaydığı xəbərə görə, “Bitcoin” son 24 saatda 0,28 faiz bahalaşaraq 79 657,76 ABŞ dollarına çatıb. Bununla belə, son yeddi gündə qiyməti 2,88 faiz, son 30 gündə isə 5,60 faiz azalıb. Bazar kapitallaşması 1,60 trilyon dolları ötüb.
Əsas kriptovalyutaların əksəriyyəti də son sutkada bahalaşıb. “Ethereum”un qiyməti 0,57 faiz artaraq 2 309,90 dollara, BNB isə 0,50 faiz yüksələrək 737,89 dollara çatıb. Ən böyük artım “Quant”da qeydə alınıb: 6,96 faiz bahalaşma ilə qiyməti 201,64 dollar olub. “CoinMarketCap 20” indeksi də 0,40 faiz yüksələrək 161,62 bənd təşkil edib.
Analitiklər müsbət dinamikanı əvvəlki günlərdəki kəskin ucuzlaşmadan sonra investorların aşağı qiymətlərdən alış etməyə üstünlük verməsi ilə əlaqələndirə biləcəklərini bildirirlər. Həftəlik və aylıq göstəricilərin mənfi qalması isə satış təzyiqinin tam aradan qalxmadığına işarə edir.
Əsas mənbə: APA