Vətənim Media xəbər verir ki, NASA-nın Universitet Tələbə Tədqiqat Çağırışı proqramında iştirak edən Miçiqan Dövlət Universitetinin məzunları 2024-cü ildə hərbi təlimlər üçün dronlar istehsal edən AG3 Labs şirkətini yaradıblar. Komandanın həmtəsisçilərindən Gavin Gardner proqramın texniki biliklərlə yanaşı, biznes bacarıqlarını da inkişaf etdirdiyini bildirib.
Gardner və tələbə yoldaşları NASA-nın qrantları ilə iki layihə üzərində işləyiblər. 2021-ci ildə başladılan layihədə dronun şəhər avtobusuna qoşularaq enerji toplaması və çatdırılmanı davam etdirməsi nəzərdə tutulurdu. 2023-cü ildə aldıqları növbəti qrant isə uçuş zamanı drona lazer vasitəsilə enerji ötürülməsi texnologiyasına yönəlmişdi.
AG3 Labs ilkin olaraq ABŞ Ordusundan mükafat alıb, ardınca yeni müqavilələr əldə edib. NASA-nın məlumatına görə, şirkətin istehsal gücü ayda minlərlə dron hazırlamağa imkan verir. NASA proqramının rəhbəri Stiven Хolts tələbələrə qrantla yanaşı, istiqamət dəstəyinin verilməsinin onların gələcək karyerasına və aviasiya sənayesinə töhfə verdiyini deyib.
Əsas mənbə: NASA