Aleksandr Lapşinin anası oğlunun məhkəmə prosesini izləmək üçün Azərbaycana gələcək.
Bunu bloqerin bacısı Yuliya bildirib.
“Mənim anam ən qısa zamanda məhkəmə prosesini izləmək üçün Bakıya getmək istəyir”, – Yuliya deyib.
Lapşinin anası bundan əvvəl oğlunun bağışlanması üçün Azərbaycan prezidentinə müraciət etmişdi.
Qeyd edək ki, Azərbaycanın işğal olunmuş ərazilərinə qeyri-qanuni səfər etmiş bloqer Aleksandr Lapşin fevralın 7-də Belarusdan Azərbaycana ekstradisiya edilib.