Azərbaycan Respublikasının Prezidenti yanında Gənclər Fondunun maliyyə dəstəyi ilə “Təbiəti qoru ki,təbiət də səni qorusun!” layihəsi başa çatıb. Layihə çərçivəsində hazırlanmış çarx 28-29 noyabr tarixlərində ekspertlərin də iştirakı ilə gənclərə təqdim olunmuşdur.Birdaha xatırladaq ki, layihə rəhbəri Elmar Rəcəbzadənin verdiyi məlumata əsasən, layihənin əsas məqsədi müasir dövrdə təbiəti gündəlik olaraq çirklənməyə məruz qoyan ən başlıca səbəblərin insanlardan asılı olduğunu qısa sosial çarx vasitəsi ilə izah etməkdən ibarətdir. Şəhərdə normadan artıq avtomobilin olması ilk növbədə gündəlik olaraq atmosferi zəhərli qazlarla çirkləndirməkdən əlavə tıxacların yaranmasına,insanların həyat tərzinin pozulmasına səbəb olur. Layihə gənc nəsli şəxsi avtomobillərə deyil , əvəzində ictimai nəqliyyatdan daha çox istifadə etməyə çağırır.