Kürd əsilli “Şakro Molodoy”un həbsindən sonra Rusiya kriminal aləminin “Xaç atas”sı sayılan “Piçuqa” ləqəbli Yuri Piçuqin də saxlanılıb.
Turkustan.info bildirir ki, bu barədə Lent.az Rusiya KİV-nə istinadən məlumat verir.
Məlumata əsasən, “Piçuqa” saxlanıldığı Moskva şəhərindən artıq Komi Respublikasının paytaxtı Sıktıvkara gətirilib.
Məlumata görə, “Piçuqa”yla bərabər onun mühafizəçilərindən biri Oqtay Əfəndiyev də həbs edilib.
Oqtay Əfəndiyev əslən Zaqatala rayonundandır. O, təxminən 4 ildir “Piçuqa”nın mühafizəçisidir. Tay boksu, əlbəyaxa döyüş və sambo üzrə 3 dəfə dünya çempionu olan Əfəndiyev barəsində Sıktıvkar məhkəməsi iki ay müddətinə həbs cəzası çıxarıb.