Ələt Azad İqtisadi Zonası İdarə Heyətinin sədri Valeh Ələsgərov 2026-cı ilin Alman–Azərbaycan Strateji Tərəfdaşlıq və Bağlantılar Konfransında zonanın ərazisində yeni hava limanı və ona bağlı logistika infrastrukturunun inkişafı barədə razılığın əldə olunduğunu açıqlayıb.
Layihədə yerli yükdaşıma şirkəti Silk Way Airlines tərəfdaşı kimi göstərilir; hava limanına və onun əhatə zonası üçün ümumilikdə 750 hektar torpaq ayrılıb.
Ələsgərov bildirib ki, tikintiyə 2024-cü ilin aprelində başlanıb, inşaat işlərinin cari ilin sonuna qədər yekunlaşması planlaşdırılır və aeroportun 2027-ci ilin martının sonu və ya aprel ayının əvvəlinə qədər istismara veriləcəyi gözlənilir.
Hava limanının birinci mərhələdə illik yükötürmə qabiliyyətinin 500 min ton olması nəzərdə tutulur; sonrakı mərhələlərdə bu göstəricinin tədricən artırılaraq ən azı 2 milyon tona çatdırılması məqsədi qoyulub.
Əsas mənbə: APA