Vətənim Media xəbər verir ki, əmək və əhalinin sosial müdafiəsi naziri Anar Əliyev BMT-nin Azərbaycandakı Rezident Əlaqələndiricisi Dmitro Şlapaçenko ilə görüşüb. Tərəflər Azərbaycanla BMT arasındakı tərəfdaşlığın mövcud vəziyyətini və inkişaf imkanlarını nəzərdən keçiriblər.
Görüşdə 2026–2030-cu illər üçün Dayanıqlı İnkişaf üzrə Əməkdaşlığa dair Çərçivə Sənədinin əhəmiyyəti vurğulanıb. Sənəd çərçivəsində insan kapitalının inkişafı, layiqli əmək şəraitinin təşviqi və sosial müdafiə sisteminin gücləndirilməsi üzrə birgə fəaliyyət barədə fikir mübadiləsi aparılıb. Şlapaçenko sosial islahatlar və həssas qruplara dəstək sahələrində nazirliklə BMT qurumları arasında qurulmuş əməkdaşlığı müsbət qiymətləndirib. Əliyev isə BMT ilə davamlı tərəfdaşlığın genişlənəcəyinə ümidvar olduğunu bildirib.
Əsas mənbə: APA