Vətənim Media xəbər verir ki, Ukrayna Müdafiə Qüvvələri Rusiyanın Omsk şəhərindəki “Omsk kauçuk” kimya zavoduna zərbə endirib. APA-nın Rusiya və Ukrayna Telegram kanallarına istinadən yaydığı məlumata görə, hücumdan sonra müəssisənin ərazisində güclü yanğın başlayıb.
“Exilenova+” kanalının məlumatına görə, pilotsuz uçuş aparatları zavodun D-3 və D-5 qurğularının yerləşdiyi hissəyə zərbə endirib. D-3-də metil-tret-butil efiri istehsal olunur. Zavod sintetik kauçuk, fenol, aseton və başqa kimyəvi məhsullar hazırlayır; onun gündəlik istehsal gücünün təxminən 2 min ton olduğu bildirilir. Məlumatda Ukrayna ilə zavod arasındakı məsafənin 2 500 kilometrdən çox olduğu, müəssisənin bəzi polimer məhsullarının isə raketlər üçün bərk yanacaq istehsalında istifadə olunduğu qeyd edilir.
Həmin məlumatda Omskdakı “Ozon” logistika anbarına da zərbə endirildiyi bildirilir.
Əsas mənbə: APA