İspan qızlar Azərbaycanı Bakıda rüsvay etdi

19 yaşadək qızlardan ibarət komandalar arasında Avropa çempionatının ilkin seçmə mərhələsində Azərbaycan yığması (U-19) bu gün ikinci oyununu keçirib.

Qaynarinfo.Az xəbər verir ki, yığmamız Bakı Olimpiya Stadionunda İspaniya komandası ilə qarşılaşıb. Qarşılaşma 7:0 hesabı ilə ispaniyalı futbolçuların xeyrinə başa çatıb.

Bununla da komandamızın elit mərhələyə vəsiqə qazanmaq şansları itib. Çünki bundan əvvəl U-19 Ukraynaya 1:2 hesabı ilə uduzmuşdu.

Qeyd edək ki, sentyabrın 20-də, saat 19:00-da yığmamız seçmə mərhələdəki son oyununda Latviya komandası ilə qarşılaşacaq.