Vətənim Media xəbər verir ki, Pursaklar rayonunda aparılan yoxlama zamanı polis əməkdaşı Ahmet Türkoğlu şübhəli şəxsin açdığı atəş nəticəsində ağır yaralanaraq daha sonra həyatını itirib.
Hadisə zamanı avtomobil saxlanılaraq içindəki şəxslərin sənədləri yoxlanarkən, arxa oturacaqda əyləşən şübhəli maşından düşərək əlindəki silahla Türkoğluna iki dəfə atəş açıb. Hadisə yerinə polis və təcili tibbi yardım qrupları gəlib; yaralı əvvəlcə Pursaklar Dövlət Xəstəxanasına aparılıb, həkimlərin səyinə baxmayaraq onun xilas edilməsi mümkün olmayıb.
Ankara valisi Yakup Canbolat bildirib ki, insident təxminən saat 23:25 radələrində Karacaören-TOKİ yolundakı yoxlama məntəqəsində baş verib. Avtomobildə üç nəfər olub; atəş açılmasından sonra iki nəfər saxlanılıb, atışı törədən şübhəli isə dərhal özünə atəş açıb və onun vəziyyəti ağır olaraq qiymətləndirilir.
Əsas mənbə: APA