Vətənim Media xəbər verir ki, Almaniyanın Federal Kəşfiyyat Xidmətinin keçmiş rəhbəri August Hanninglə bağlı araşdırmanın Azərbaycanla əlaqəsi olmadığı bildirilir. Məlumatlı mənbələrin açıqlamasına əsasən, iş başqa ölkələrlə bağlıdır və Hanningin əldə etdiyi iddia olunan məxfi sənədlər üçüncü tərəfə verilməyib. Almaniya kəşfiyyat orqanlarının bu barədə Azərbaycan tərəfinə məlumat çatdırdığı qeyd olunur.
Mənbələrin bildirdiyinə görə, Hanning həmin sənədlərdən analitik yazı hazırlamaq üçün istifadə edib. Almaniya prokurorluğu onu casusluqda və dövlət sirri sayılan məlumatları əldə etməkdə şübhəli bilir, lakin araşdırmanın hansı ölkə və ya xüsusi xidmət orqanına aid olduğu açıqlanmayıb. Daha əvvəl “Der Spiegel” istintaqla bağlı Azərbaycanın adını çəkib və Hanningin onun xeyrinə fəaliyyət göstərdiyini iddia edib. Azərbaycan tərəfi isə bu iddialara etirazını diplomatik kanallarla Almaniya rəsmilərinə çatdırıb.
Əsas mənbə: APA