Vətənim Media xəbər verir ki, Prezident İlham Əliyev Azərbaycanın Mərkəzi Asiya ölkələri ilə ticarət dövriyyəsinin ötən il 50 faizdən artıq yüksəldiyini bildirib. O, bu fikirləri Azərbaycan və Orta Asiya dövlət başçılarının 8-ci Məşvərət görüşündə səsləndirib.
Prezidentin sözlərinə görə, Azərbaycanda Mərkəzi Asiya ölkələrinin kapitalı ilə 400-dən çox şirkət fəaliyyət göstərir. Azərbaycan Qazaxıstan, Özbəkistan və Qırğızıstanla birgə investisiya fondları yaradıb; fondların hər birinin kapitalı yüz milyonlarla dollar təşkil edir. Əliyev bu vəsaitlərdən ortaq layihələr, yeni istehsal müəssisələri və sənaye əməkdaşlığı üçün daha geniş istifadə etməyə çağırıb. O, tərəfdaşlığın ticarətlə məhdudlaşmamasını, birgə investisiya və istehsalın genişləndirilməsini, həmçinin məhsulların xarici bazarlara çıxarılmasını vacib sayıb.
Əsas mənbə: APA