Vətənim Media xəbər verir ki, Bakı Psixologiya Mərkəzi Dünya Psixi Sağlamlıq Günü münasibətilə iş mühitində psixoloji rifahın əhəmiyyətini önə çıxaran süni intellekt əsaslı videoçarx hazırlayıb. Çarxda iş həyatındakı emosional gərginliyin fərdlə yanaşı, komanda üzvlərinə və onların şəxsi münasibətlərinə də təsiri vizual şəkildə təqdim olunur.
Materialda əməkdaşların emosional vəziyyətinə həssas yanaşmağın və psixoloji rifahı qorumağın komanda daxilində anlaşma və sağlam ünsiyyət üçün əhəmiyyəti vurğulanır. Bakı Psixologiya Mərkəzi təşkilatlara elmi əsaslı psixososial qiymətləndirmə və ehtiyaclara uyğun inkişaf proqramları təklif etdiyini bildirir. Mərkəzin təşəbbüsü iş yerlərində mental sağlamlığa diqqətin artırılmasını və əməkdaşların psixoloji rifahının təşkilati dəyər kimi qəbul edilməsini hədəfləyir.
Əsas mənbə: APA