Vətənim Media xəbər verir ki, Cibutidən Yəmənə gedən miqrantları daşıyan qayığın batması nəticəsində azı 139 nəfər həlak olub. Beynəlxalq Miqrasiya Təşkilatının məlumatına əsasən, göyərtəsində 305 nəfərin olduğu qayıq oktyabrın 8-dən 9-na keçən gecə Obok şəhərinin şimalında, Quhere yaşayış məntəqəsi yaxınlığında qəzaya uğrayıb. Ölənlər arasında azı 15 uşaq var.
Hadisədən sonra 82 nəfər xilas edilib; onların hamısının Efiopiya vətəndaşı olduğu bildirilir. Daha 84 nəfərin taleyi məlum deyil. Cibuti hakimiyyətinin axtarış-xilasetmə işləri davam edir, sağ qalanlara tibbi yardım göstərilir. Təşkilatın yerli nümayəndəliyinin rəhbəri Aleksandr Kuassak əməkdaşların yerli qurumlarla birlikdə zərərçəkənlərə kömək etdiyini bildirib. Miqrantların Yəmən üzərindən Körfəz ölkələrinə çatmağa çalışdığı qeyd olunur. Təşkilatın məlumatına görə, 2025-ci ildə bu marşrutda 900-dən çox insan ölüb və ya itkin düşüb.
Əsas mənbə: APA