Vətənim Media xəbər verir ki, ABŞ-ın Oreqon ştatının Bend şəhərindəki ibtidai məktəbdə baş verən atışmada dörd nəfər ölüb. Ölənlərdən üçünün uşaq olduğu bildirilir. Ölənlərin sayı federal hüquq-mühafizə orqanlarındakı mənbələrə istinadən açıqlanıb.
Polisin ilkin məlumatına görə, əvvəlcə məktəbin yaxınlığında avtomobilə atəş açılması barədə xəbər daxil olub, ardınca silahlı şəxs məktəb binasına girərək atəş açıb. Hadisə yerinə gələn polis əməkdaşları şübhəlini ölü aşkar ediblər. Onun necə öldüyü, o cümlədən yaxınlıqdakı şəxslərdən birinin ona atəş açıb-açmadığı araşdırılır. Atışmada yaralanan daha iki nəfər xəstəxanaya yerləşdirilib; onların vəziyyəti barədə məlumat verilməyib. İstintaqa ABŞ Federal Təhqiqatlar Bürosu da qoşulub.
Əsas mənbə: APA