Vətənim Media xəbər verir ki, Gürcüstanın 2027-ci il dövlət büdcəsinin ilkin layihəsində Tbilisidəki Mirzə Fətəli Axundov adına Azərbaycan Mədəniyyəti Muzeyinə 84 min lari, Heydər Əliyev adına Tbilisi Dövlət Peşəkar Azərbaycan Dram Teatrına isə 422,2 min lari ayrılması nəzərdə tutulub. Bu məbləğlər təxminən 55 min və 276 min manata bərabərdir.
Ötən illə müqayisədə muzey üçün ayrılması planlaşdırılan vəsait 6 min lari, teatrın maliyyəsi isə 45,2 min lari artır. Muzey 54 min larini əməkhaqlarına yönəldəcək, qanunla icazə verilən xidmətlərdən isə 30 min lari gəlir əldə edə biləcək. Teatrın büdcəsinin 390,4 min larisi əməkhaqlarına ayrılacaq; xidmətlərdən 30,8 min lari gəlir və digər xərclər üçün 1 min lari nəzərdə tutulub. Büdcə layihəsi Gürcüstan parlamentinə təqdim edilib.
Əsas mənbə: APA