Vətənim Media xəbər verir ki, Milli Məclisin noyabrın 3-də keçiriləcək iclasının gündəliyinə 10 məsələ daxil edilib.
Deputatların müzakirəsinə 8 Noyabr – Zəfər Günü ilə bağlı parlamentin bəyanatı və insan hüquqları üzrə müvəkkilin seçilməsi çıxarılacaq. Gündəliyə, həmçinin Azərbaycanla Özbəkistan arasında dostluq və pensiya təminatı sahəsində əməkdaşlıq sənədlərinin təsdiqi, eləcə də bir sıra qanun layihələri daxildir.
Qanun layihələrindən bəziləri üçüncü, digərləri isə birinci oxunuşda müzakirə olunacaq. Gündəliyə banklar, qiymətli kağızlar bazarı, ətraf mühit, hərbi xidmət, miqrasiya, inzibati xətalar və elektron ticarətlə bağlı dəyişikliklər daxildir.
Əsas mənbə: APA