Azərbaycanın Milli Qəhrəmanı Ehtiram Əliyev noyabrın 15-də, 54 yaşında vəfat edib. O, noyabrın 16-da Bakıda İkinci Fəxri xiyabanda dəfn olunub.
APA-nın məlumatına görə, dəfn mərasimində mərhumun ailə üzvləri, Müdafiə Nazirliyinin əməkdaşları və ictimaiyyət nümayəndələri iştirak ediblər.
Ehtiram Əliyev Birinci Qarabağ müharibəsində döyüşüb. 1994-cü ilin yanvarında yaralanıb, müalicədən sonra yenidən cəbhəyə qayıdıb. 1995-ci ildə Azərbaycanın ərazi bütövlüyünün müdafiəsində göstərdiyi igidliyə görə ona Azərbaycanın Milli Qəhrəmanı adı verilib.
Mənbələr · APA – dəfn mərasimi · Oxu.az – vəfat xəbəri
