Bu gün Bakı Apellyasiya Məhkəməsində “Nida” Vətəndaş Hərəkatının həbsdə olan üzvü Bayram Məmmədovun barəsində olan hökmdən verilən apellyasiya şikayətinə baxılıb.
Prosesə hakim Həsən Əhmədov sədrlik edib. Prosesdə qərar elan olunub.
Məhkəmənin qərarına əsasən şikayət təmin edilməyib.
Qeyd edək ki, B.Məmmədov Bakı Ağır Cinayətlər Məhkəməsinin hökmü ilə 10 il müddətinə azadlıqdan məhrum edilib. B.Məmmədov Cinayət Məcəlləsinin 234-cü (qanunsuz olaraq narkotik vasitə əldə etmə, saxlama, satma) maddəsi ilə ittiham olunur. (virtualaz.org)