“Krım ABŞ-a verilməlidir”

Ukrayna Ali Radasının deputatı Andrey Artemenko belə bir iddia ilə çıxış edib ki, ABŞ-ın Krım yarımadasını öz ərazisi elan etmək üçün əsasları var.

Parlament üzvü çıxışında deyib: “1920-ci ildə Rusiya ABŞ hökumətindən 50 milyon dollar həcmində kredit alıb və girov kimi Krım yarımadasını qoyub. Başqa sözlə, kredit qaytarılmayacağı təqdirdə, Krım Amerika Birləşmiş Ştatlarına təhvil verilməli idi”.

Onun sözlərinə görə, 1954-cü ildə həmin kreditin ödənilməsinin müddəti başa çatıb, lakin borc ABŞ-a qaytarılmayıb. Buna görə də Krımı ABŞ-a təhvil verməmək xatirinə, SSRİ hökuməti yarımadanın Ukrayna ərazisi elan edilməsi qərarını verib.