Almaniya hökuməti son qərarı ilə PKK terror təşkilatı və onun rəhbəri Abdullah Öcalana ağır zərbə vurub.
Almaniya hökumətinin ölkədə fəaliyyəti qadağan olan PKK terror təşkilatına qarşı mövqeyini sərtləşdirdiyi deyilir.
Almaniya Daxili İşlər Nazirliyinin 2 mart tarixində əyalətlərə və təhlükəsizlik orqanlarına 5 səhifəlik bir yazı göndərdiyi ifadə edilən xəbərdə daxili işlər naziri Tomas de Maizierenin üzərində terror təşkilatı lideri Abdullah Öcalanın fotolarının olduğu bez parçalarını qadağan etdiyi qeyd edilib.
Xəbərdə terror təşkilatına məxsus 33 simvol və loqonun da yer aldığı bildirilərək qadağan olan simvollar arasında YPG simvolunun da olduğu deyilir.
Qeyd edək ki, PKK-nın fəaliyyəti Almaniyada 1993-cü ildən qadağan edilib, ancaq təşkilat tərəfdarları bu ölkədə təşkil etdiyi nümayişlərdə sözügedən “simvollardan” istifadə edirdilər. milli.az