General Hüseyn Əlixanovun istefaya getməsiylə bağlı informasiya həqiqəti əks etdirmir.
Turkustan.info xəbər verir ki, bunu “Haqqin.az” saytına açıqlamasında Penitensiar Xidmətinin mətbuat katibi Mehman Sadıqov deyib. Onun sözlərinə görə, general-mayor hazırda məzuniyyətdədir.
Qeyd edək ki, bundan öncə Azərbaycan Respublikası Ədliyyə Nazirliyinin Penitensiar Xidmətinin rəis müavini, ədliyyə general-mayoru Hüseyn Əlixanovun vəzifəsindən azad edilməsi haqqında informasiya yayılıb. İstefa xəbərini Unikal.org-a təsdiqləyən Hüseyn Əlixanov artıq işləmədiyini, təqaüdə çıxdığını, yerinə isə hələlik təyinat olmadığını bildirib.