Prezident İlham Əliyev Kamran Sultan oğlu İmanovun Azərbaycan Respublikasının Əqli Mülkiyyət Agentliyinin İdarə Heyətinin sədri təyin edilməsi haqqında sərəncam imzalayıb.
Bunadək Kamran İmanov Azərbaycan Respublikası Müəllif Hüquqları Agentliyinin sədri olub.
O, Azərbaycan Respublikasının Prezidenti yanında Dövlət İdarəçilik Akademiyası və Azərbaycan Memarlıq və İnşaat Universitetinin professorudur.
2006-2008-ci illərdə “İçərişəhər” Dövlət Tarix-Memarlıq Qoruğu İdarəsinin rəhbəri olub. 2013-cü ildə Prezident İlham Əliyev tərəfindən 3-cü dərəcəli “Vətənə xidmətə görə” ordeni ilə təltif edilib. /Axar.az/