Rusiya və Səudiyyə ƏrəbistanıOPEC+ işbirliyi müqaviləsini müddətsiz uzatmaq qərarı verib. Bununla bağlı Rusiyanın enerji naziri Aleksadr Novak açıqlama verib.
Onun sözlərinə görə, Rusiya prezidenti Vladimir Putin və Səudiyyə Ərəbistanının vəliəhd şahzadəsi Məhəmməd İbn Salman neft istehsalını nəzarət altında saxlamaq üçün Neft İxrac edən Ölkələr Birliyi (OPEC) və OPEC üzvü olmayan ölkələrin işbirliyi anlaşmasını müddətsiz olaraq uzatmaq qərarı verib.
Novak bu razılığın Dünya Çempionatı ərəfəsində tərəflər arasında baş tutan görüşdə əldə olunduğunu bildirib.Bu razılaşma tərəflərə neft ixracının həcminin dəyişməsi ilə bağlı birlikdə qərar vermək imkanı yaradır.