Vetenim.info– nun digər saytlardan əldə etdiyi xəbər
“XXI Əsrin Qadınları” İctimai Birliyinin sədri Mahirə Əmirhüseynovanın oglu, Səbail rayon Həbib bəy Mahmudbəyov adına 2 saylı Texniki-Hümanitar Elmlər Liseyini fərqlənmə-qırmızı attestatla bitirən Amil Şirinli ali məktəbə qəbul imtahanından 610 bal toplayaraq DİN-in Polis Akademiyasına daxil olub. Bu gözəl xəbər münasibətilə Amil Şirinlini təbrik edənlərin sırasına qoşularaq ona Azərbaycan vətəndaşlarının azadlığı keşiyində mətin dayanmağı, ölkəmizin gələcək uğurlarında onun da payının olmasını arzu edirik.
Qeyd edək ki, Amil gənclərin sağlam böyüməsi, onların idmana olan marağının artırılması, hərbi-vətənpərvərlik tərbiyəsinin möhkəmləndirilməsi məqsədi ilə Səbail Rayon İcra Hakimiyyəti və Azərbaycan Respublikası Müdafiə Nazirliyi tərəfindən rayonun təhsildə və idmanda fərqlənən, 3 dəfə Qusar şəhərində yerləşən “N” saylı hərbi hissədə “Gənc Heydərçilər” hərbi-vətənpərvərlik təmayüllü yay düşərgəsi xüsusi istedadlı yeniyetmələri üçün təşkil olunan düşərgədə fəxri fərman və medallarla təltif olunub.
Gənc fəal Amil Şirinli 11-ci sinifdə oxuyarkən Azərbaycan Respublikasının Prezidenti yanında Gənclər Fondunun dəstəyi ilə orta məktəblərdə “Gələcəyin sağlam əsgəri” adlı layhəsini ugurla icra edib.
Təbrik edirik, uğurları davamlı olsun!
